Master i Shkencave në Inxhinieri Informatike

Kohëzgjatja e programit: 2 vite akademike
Ndjekja e studimeve: me kohë të plotë
Numri total i krediteve të programit: 120 kredite (ECTS)

Programi i studimit në Inxhinieri Informatike synon të pajisë studentët me njohuri të thella
tekniko-shkencore të nivelit universitar, të cilat kërkohen nga fusha të ndryshme të sistemeve të
shpërndarjes së informacionit dhe ruajtjes së të dhënave. Ky program është hartuar duke pasur
parasysh kërkesat e tregut të punës për ekspertë në këtë fushë. Të diplomuarit në këtë program
studimi janë  në gjendje të kuptojnë dhe të analizojnë funksionimin e sistemeve komplekse, të
administrojnë dhe të mirëmbajnë rrjetat kompjuterikë, të menaxhojnë sistemet kompjuterike, të
programojnë dhe të jenë në gjendje të ndërtojnë sisteme informatike të sigurta.